Office Office

Office Office Office Office...
Jeevan Ka Eham Hissa Ban Gaya Ye Office

College me sochte rehte ki kaisa hota hoga ye office
Kya Karte Honge log yahan aur kya hoti hogi Gossips

Aur Wo Din Aa hi gaya aur hum interview me paas ho gaye..
Aa gaye ek cubicle ke andar aur Office ki Rangeen duniya mein Kho Gaye

Office ka Infrastructure dekh ke to hum pehle hi dung the
Aakhir College ki Duniya mein to hum pahunche huye Dabangg the

Hamaari Dabanggai to yahan nahi chalegi ye to pata tha
Boss is always right ye formula humne rata tha

Par Saala Office ke Boss se accha to tha College ka Principal
Mahine mein ek baar dikhta aur dikhata bhi nahi tha apna bal

Boss ki baat naahi karein to accha hai
Saalon se badla nahi aisa wo Kaccha hai

Office ke andar ek baat bahut hi niraali hai
yahaan chehre me sabke muskaan aur dil me aapke liye gaali hai

Mere bagal ki seat meri joining ke din se hi khaali hai
Naa jaane eispe kaun si Neha Dhupiya aane waali hai

Neha Dhupia se yaad aya ki Boss ki Secretary ekdum HOT hai
Boss ki nazdeek hi uske liye rakha gaya Slot hai

Kapde to itne Tung pehenti hai ki Sab Khula Khula sa lagta hai
Sabke paseene choot jayein dekh usey isliye AC 24 hrs chalta hai

Uske Kapde Dekh Poora Din mere Body Ka system bhi hil jaata hai
Kambhaqat Uska Kapda to sirf Mere Handkercheif jitne mein hi Sil Jata Hai

Use dekh kar boss ka mann hara ho jata tha
Ham bhi chaaploosi kar lete uski to kaam hamaara bhi ban jaata tha

Aaj subah jab boss ne mujhe muskura ke dekha
Maine bhi ek smile zor se uski taraf pheka

Lagta hai promotion ki baat ban ne waali hai
Mehta jee to kehte hai ye khwaab sirf khayaali hai

Is Bhaag daud bhari life mein jahan Thakna mana hai
Wahan Chalte Chalte kisi khayali Pulao ka bhi Pakna Mana Hai

Kaam aur chaploosi ki hi yahan pe jeet hai
Promotion Paane ki sadiyon se chali aa rahi ye reet hai

Din ko Office Raat ko Office..Kaam hi Kaam Kaam hi Kaam
Din bhar Boss ki Chik Chik aur raat ko neend Haraam

Kaam ka mat poocho ae dost , Haalat Buri Hai
Insaaf ki Ummeed bhi mat karna, Ye Adalat Buri Hai

Is Office ke Kaam ke chakkar mein kitnoki Shaadi Ruki ya Tooti Hai
Main Khud likh raha dastaan kyunki meri GF bhi mujhse roothi hai

Sach kahan kisine ki Office to hai apne mein ek mayanagari
Jahan har pal pink slip ki darr se gir na jaaye kisiki dagri !!!