Teri Ummeed Tera Intezaar Karte Hain..

Teri Ummeed tera Intezaar Karte Hain
Aye sanam hum to Kitchen Jaane se darte hain

Ab to subah ki chai bhi naseeb nahi ho pati
Jab bhi banane jaun to hai wo Jal Jaati
Pateela kaala ho jai itna ki VIM soap bhi Fail ho jaati

Jaaneman hum to ab khayalon mein chai peete hain
Aye sanam hum to Kitchen Jaane se darte hain

Ab to Weekends mein khaane ko kuch nahi hota
Khaane ke bajaye koyla khaane se hai mann rota
Kya bataun bahar hotel ka masala kha kitna hai Pet rota

Jaaneman hum to ab Kai Din Bread Jam pe sote hain
Aye sanam hum to Kitchen Jaane se darte hain

Ab tak to sirf Khwabon mein ho par samne nahi aaye
Papa Mummy Dhoond rahe tumhe Jeevansathi mein
Par na Jaane khud ko tum kahan ho chupaye

Jaaneman Hum to ab tera har ghadi intezaar karte hain
Sach to ye hai ki Kitchen se zyada hum tanhayi se darte hain !!

Corruption pe Anna ka Andolan

Sarkar ne bola Anna Ko Army ka Bhagoda
Par ek Bhagode ne tumhe kahin ka nahi choda

Wo Bhagoda hai kyunki Wo Corruption Se Bhaag Raha Hai
Uski Aad mein Jagrut desh ka har Baccha Jaag Raha Hai

Gandhiji ki azaad desh ko wapas Gulaam nahi hone dega ye Bhagoda
Sharm Karo Congress Walo Bhagode ne tumhe kahin ka nahi choda !!!

Teri Yaad mein aaj maine hain dande khaaye !!!

Teri Yaad mein aaj maine hain dande khaaye
Onion ke bajaye market mein Hain Ande Uthaaye

Saawan mein Non veg nahi khaane ki parampara tod daali
Ande ki Tray uthaayee aur galti se Fod daali

Ho gaya main sir se paon tak atrupt
Socha shayad mummy se reh jayegi ye baat gupt

Par kismat to dekho Mom peeche hi khadi thi
Paas hi mein unke ek chadi padi thi

Kasam se itne padi hai ki Main tumhe kya bataaon
Mil Sako to Milo fir main Tumhe Dikhaaon

Ye sab hua kambakhat tumhaari karan
Tumhi ne aaj bana diya mujhe Dayanidhi Maran

Aisi naubat pehle kabhi na aati thi
Pehle rozana Facebook par jo aati thi

Facebook nahi to Gtalk pe dedaar ho jaata tha
Chat mein hi sapne dekh hindi gano me tumhare sath kho jata tha

FB ya chat pe nahi aane ka reason to nahi diya aur khila diye dande
Pata nahi sawaan khatam hone ke baad bhi kya kha paonga main Ande

Ab guzaarish hai tumse ki Fb ya Gtalk pe Jaldi aao
Ho sake utna Bajirao Singham bun mujhe na Satao
Ho sake utna Bajirao Singham bun mujhe na Satao !!!

Letter from Army Personnel to a Terrorist..!!!

Is Duniya mein Sabko Jeene ka Adhikaar hai
To Phir Kyun Uthaya Insaan Ne Hathiyaar Hai

Kyun Behta hai Khoon Sampradayik Dango Mein
Kyun Dharm ke naam Dehshat failaya hai Tum Lafango Ne

RaqtDaan Karo to Kisiko Zindagi Milegi
Kisi ka Rozgaar chalega to kisi Ke aangan mein Khushi Khilegi

Nek Kaam karoge to har Bashinde ko Tujh par Naaz Hoga
Hathiyar Uthana Hai to Desh ke liye Utha to Arbaaz Hoga

Mere aur tere Khoon mein daag Lal hi Lagega
Par har shaks mujhe shaheed aur Tujhe Atankwaadi Kahega

Dus Aam Aadmi ko maarke maroge to apne Sangathan ke beech Shaheed Kehlaoge
Dus Apne Sanghatan Ke maaroge to Karodon mein aatmsamman Paoge

Socho maine Jo Sab kaha Hai
Tumhare karan Mujh Jaise kayion ne Saha Hai

Is dehshadgardi ka shikaar kahin koi tumhara na ho jaye
Bheed mein koi apna hi kabhi kahin kho na jaye

Banddok se nikli goli ke dard gawara hoga tumhe
Par apno ke khone ka Gum shayad Na seh paoge

Us din shayad yakin ho jayega tumhe bhi
Aur tum bhi dehshatgard ko mitaane ki kasam khaoge

Guzarish hai tumse ki us din ka intezaar na karna
Aur kayi masoom ko na pade atankwaad ke saye mein marna

Kasam Khao ki tum uthaoge Banddok Desh ke liye
Bandook chalegi to bhi Dehshat mitaane ke liye

Matrabhoomi ke Hith mein ho sake to ho jaoge Qurbaan
Ataanwaad kabhi na pasrey aur nahi jaye ab kisi masoom ki Jaan
Ataanwaad kabhi na pasrey aur nahi jaye ab kisi masoom ki Jaan !!!!

Shayari

Chaukhat pe mere aaj kisine dastak di
Pahunche to ehsaas hua ki wo ek ehsaas tha....!!!

Zindagi Na Milegi Dobara...

Har Savera naye Din ka Aaagaaz Hai
Har Din Chupaye rakhta koi Raaz Hai
Har ek Pal deta koi nayee Awaaz Hai
Ji Le Jitna Chahe is Pal ko Jo Aaj Hai !!

Zindagi ki gehrayoyon mein simti bhavnao ko mat jiyo
Zindagi ko bahar se jiyo to khushi milegi
Samundar Ki Lehron mein to aakhir hulchul hi paoge
Samudra Ki Gehrayiyon ko mehsoos karo to Khamoshi milegi !!

Jiyo is zindgi ko Jio na usko jo chala gaya
Bulki wo Jo ab hai use Jio..yahi to ek saaz hai
aakhir Har Savera naye Din ka Aaagaaz Hai
Har Din Chupaye rakhta koi Raaz Hai !!

Dar ke jeene se aakhir kya haasil ho payega
Dil kamzor hoga itna ki wo ek Darpok kehlayega
Darr ka saamna karo kyunki Daar ke aage Jeet Hai
Wo har cheez karo jisse Daar hai Tumhe to ek sangraam aayega !!


Darr mit jaye to ehsaas ho ki Dil ek Arbaaz hai
Har Savera naye Din ka Aaagaaz Hai
Har Din Chupaye rakhta koi Raaz Hai !!